الحب في النت

احدث قصيده توّها مـا بعـد جـات


اصبر شوي اغني احـدث قصيـده


رسالتك جتني وانـا اتابـع الشـات


ابغـي رفيـقٍٍ لـي ديـاره بعيـده


يدرس بلندن قد له اربـع سنـوات


وما عرف جوّاله ولا اعرف بريـده


وقالوا لي انه يدخل الشات ساعـات


واسمه جبل وانشـد وتلقـاه سيـده


ودخلت اشوف الشات و العالم اشتات


الحكـي واجـد والاسامـي عديـده


الزيـر واسامـه وياسـر عرفـات


واصالـه وهيفـاء ونيلـه وعيـده


مخلطه ما بيـن كـل الحضـارات


وكـلٍ علـى ليـلاه ينشـد نشيـده


وبرب تيت وباك هوتميـل دوت آت


وهذا يصيد وذيـك تبغـي تصيـده


سوالف وحـب وغـرام وعلاقـات


و ورود واهدائـات اغانـي جديـده


تلقى الشبـاب الاف عنـد البنيـات


وكـلٍ يطـرّد فالطرايـد طـريـده


وبعض الشباب يغيّر النـك بسكـات


اسمه فريد وبعد ساعـه فريـده !!


والبنت زهقانـه ولا فيـه طلعـات


وجوّالهـا فضـا وكمّـل رصيـده


تدخل و تستعرض وتعمل حركـات


ولا بد مـا تلقـى صبـي ٍ وليـده


يعبي الجوّال في ظـرف لحظـات


ويحقـق لهـا كـل ماهـي تريـده


جوٍ مكهرب فيـه كـل الحكايـات


وكلٍ يدوّر كسب يمنـاه ب ايـده !!


ومطوع ٍ ينصح باحاديـت وآيـات


ويقـول تكفـون المصيبـه شديـده


لكن خلق الله في حسـاب الامـوات


لا عيب يردعهم ولا أيـة عقيـده !!


"
اعجبتني القصيده وحبيت اسوي منها موضوع نتنااااقش فيه
هل يوجد حب صادق عن طريق النت ؟؟؟؟

شكراعلى الكلام طيب